بيت أهلي

أنتِ متلْ بنتيْ

مشّطتْ شَـعرِكْ عَ الصبحْ

وزيَّـنـتِـك بوَردةْ

بعـتِّـكْ عَ مدرستكْ

وبقيت لَـ وحدي

أنتِ متلْ أختيْ

بسرِقـلِـك غْراضِكْ

وبجمّعون عندي

ونْ شَـعرِك بشدّو

بترميني بمخدّةْ

أنتِ متلْ أميْ

بغفا على صدركْ

وبشوفك بحلمي

ببوسةْ على خدّي

بتمحي جبلْ هـمِّـيْ

أنتِ بيت أهلي

أنتِ الصبح عمْ أشربو

بالبنّ عَ مهلي

أنتِ المسا الـ عمْ ألحقو

ولشموسِك بصلّي

أنتِ حمص المحاصرةْ

الـ عمْ تختنق متليْ

وحجارها السودا

نزلِـتْ من دموعِـكْ معَ الكحـلِـةْ

أنتِ بلادي الضايعةْ

عَ رمال عمْ تغليْ

أنتِ الحمام الـ ناطرو

لَـ يطير و يعلّي

كل يوم عم تحلي؟

يا دمعة بلادي

وضحكة بيت أهلي

يا رموشْ .. سجّادة صَلَا

وعيونِـكِ الـقِـبْـلِـةْ ..!!